Desberdinen arteko elkarbizitza eta integrazioa balio handiko eta beharrezko balorea da; baina, aldi berean, oso zaila izaten da denbora laburrean lortzea. Ohiturak, tradizioak, kulturak eta aritzeko moduak oso desberdinak izan daitezke, antagonikoak ere zenbaitetan, norberaren jatorria edo izateko moduaren arabera. Hala ere, beti saiatu behar dugu denentzako lekua egiten egokitzen zaigun elkartean, auzoan, herrian edo hirian. Erronka bat da eta, aldi berean ere, betebehar bat. <\/p>\n
Asteburu honetan, izuturik eta atsekabeturik gelditu gara gertatutakoarekin. Bi ijitok jipoi bat eman diote agoiztar bati, aurretik inolako hitz edo diskusiorik izan ez zela.<\/p>\n
Agoiztar hori ospitalera eraman behar izan zen konortea erdi-galdua zuela. Zorionez, etxean dago, tripan, aurpegian eta buruan jasotako kolpeez osatzen. <\/p>\n
Ezin dugu asteburu honetan izandako jokabiderik onartu, inoren aldetik. Guztiz errefusatzen dugu erasoa, eta argi utzi nahi dugu Agoitzen ez dugula jite horretako auzokiderik nahi. Beti egonen gara horrelako jokamoldea agertzen duenaren aurka.<\/p>\n
Horiek horrela, asteburuan gertatutakoak ezin du arraza edo etnien arteko ebakirik ireki. Agoitzen, ijito eta paioen arteko elkarbizitza bikaina izan da beti. Begiratzea besterik ez dago Agoizko familia ijitoak. Elkarbizitza zintzoa dugu. Agoizko bizitza sozialean parte hartzen dute inolako problemarik gabe eta inoiz ez dute sentitu herrikoen baztertzea, herriko beste bat gehiago direlako. Haiekin hitz egin dugu eta oso kezkatuta daude gertatutakoarekin. Gainera, konponbidearen parte izaten ari dira momentu honetan.<\/p>\n
Baina horrelako indarkeriazko jarreren aurrean dugun irtenbidea bakarra da berriro ez gertatzeko neurriak hartzea eta argi uztea modu horretan aritzen denak ez duela lekurik gure artean. Berdin du nor, nongoa edo zer arraza edo etniakoa den.<\/p>\n
Bukatzeko, lasai egoteko deia egin nahi dizuegu. Udala, erasoa pairatu duen familiarekin eta gure herriko familia ijitoekin batera, neurriak hartzen ari da aferarekin bukatzeko. Baina, horretaz gain, beharrezkoa egiten da herrikoek kolaboratzea eta egoki aritzea. Lasai egon eta jaiez disfrutatu behar dugu koadrilla, lagunak eta familiarekin, orain arte bezalaxe. Ez dugu asaldatze eta mendekurik onartu behar. Guztiok batera egin behar dugu, harmoniak eta elkarbizitzak jarrai dezaten.<\/p>\n
Agoitzek beti erakutsi du elkartasuna eta batasuna. Oraingoan ere modu berean arituko garelakoan gaude. <\/p>\n
Animo guztiei!<\/p>\n
Asteburu honetako erasoa dela eta, Agoizko Udalak honako hau erabaki du:<\/p>\n
1.- Guztiz errefusatzea gure bizilaguna eraso zuten pertsonen jokabidea eta emandako kolpeak. Neurriak hartzeko konpromisoa hartu dugu, berriro gerta ez dadin. Izaera horretako jendeak ez du lekurik gure herrian.<\/p>\n
2.- Besarkada handi bat igortzea erasoa pairatu duenari, hala nola bere familia eta lagunei.<\/p>\n
3.- Istilu puntual honek ezin du arraza edo etnien arteko gatazka sorrarazi. Agoizko ijitoek ez dute inoiz arazorik eman. Modu berean, gainerako herrikoek ez dituzte ijitoak inoiz baztertu edo errefusatu. Horrenbestez, harmoniak eta elkarbizitzak orain arte bezala jarraitzea nahi dugu. <\/p>\n
4.- Momentu honetan lasaitasuna eskatzen diegu agoiztar guztiei. Guztion artean saiatu behar dugu jaiak normaltasun osoz, gertakaririk gabe eta jai giroan igaro daitezen, orain arte izan den moduan.<\/p>\n
Agoizko Udala <\/p>\n","protected":false},"author":7,"featured_media":0,"comment_status":"closed","ping_status":"closed","template":"","format":"standard","meta":{"_encloseme":["1"],"_wpml_media_featured":["1"],"_wpml_media_duplicate":["0"],"_last_translation_edit_mode":["translation-editor"],"_qt_imported":["from-2854"],"_cc_page_slider_cat":["s:6:\"a:0:{}\";"],"_cc_page_template_cat":["s:6:\"a:0:{}\";"],"_qt_links_fixed":["1"]},"yoast_head":"\r\n