Ayuntamiento de Aoiz/Agoitz

Ayuntamiento de Aoiz/Agoitz

Oposizio-lehiaketa, zerbitzu anitzetako enplegatuaren plaza bat betetzeko (lorezaintzako zerbitzuari atxikia), lan-kontratudun finkoen araubidean

Agoizko Udaleko alkatearen 2025eko abenduaren 1eko ebazpen baten bidez, deialdi bat eta haren oinarriak onetsi dira, oposizio-lehiaketa bidez betetzeko zerbitzu anitzetako enplegatuaren plaza bat (lorezaintzako zerbitzuari atxikia), lan-kontratudun finkoen araubidean. Hala, deialdia oinarri hauen arabera eramanen da aurrera:

Agoitzen, 2025eko abenduaren 1ean.–Alkatea, Ángel Martín Unzué Ayanz.

OINARRIAK

1.–Xedea.

1.1. Deialdi honen xedea da oposizio-lehiaketa bidez betetzea zerbitzu anitzetako enplegatuaren plaza bat (lorezaintzako zerbitzuari atxikia). Maila: D. Lanaldia: %100,00. Lanpostuko osagarria: %22,52. Mailako osagarria: %12,00. Sarbidea: oposizio-lehiaketa. Lanpostu kopurua: bat. Egoera: hutsik. Udal honetako Zerbitzu Anitzetako Alorreko lorezaintzako zerbitzuari atxikita dago plaza, eta plantilla organikoan identifikatuta dago.

1.2. Izendapenak Agoizko Udaleko lan-kontratudun finko bilakatuko du izendatua, ondorio guztietarako, plazaz jabetzen denetik aurrera; halaber, Gizarte Segurantzaren Araubide Orokorrean afiliatuko da, beharrezkoa bada, eta hartan alta emanen zaio.

1.3. Lanpostuak izanen ditu Nafarroako administrazio publikoen zerbitzuko langileen D mailari dagozkion lansariak. Era berean, plantilla organikoan ezarrita dauden osagarriak jasoko ditu, bai eta hitzarmen kolektiboaren bidez lortzen ahal direnak ere.

1.4. Lanaldia zerbitzuaren beharretara egokituko da, eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat. Lanaldiaren urteko lanordu kopurua izanen da Udaleko funtzionarioentzat ezarritakoa.

1.5. Eginkizunak bere mailari eta kategoriari dagozkionak izanen dira, lorezain-peoiaren lanpostuari dagozkionak, arlo hauetakoak: parke eta lorategien mantentze-lanak, lorategietan soropila moztea eta inaustea, ureztatze instalazioen mantentze-lanak, landaketak egitea, ereitea, lorategiak sortzea eta horien mantentze-lanak egitea, basogintza-lanak eta ingurumena zaindu eta babestekoak, izurriak kontrolatzea eta lanpostuarekin lotutako beste batzuk.

1.6. Halaber, deialdi honen xedea da aldi baterako kontrataziorako zerrenda bat eratzea sartzeko hautapen-prozesuan plazarik eskuratzen ez duten izangaiekin, deialdiaren 12. oinarriari jarraikiz.

2.–Aplikatzekoa den araudia.

Prozesu hau gauzatuko da honako araudian xedatutakoaren arabera: abuztuaren 30eko 251/1993 Legegintzako Foru Dekretua, zeinaren bidez onetsi baitzen Nafarroako Administrazio Publikoen zerbitzuko Langileen Estatutuaren testu bategina; ekainaren 5eko 113/1985 Foru Dekretua, zeinaren bidez onetsi baitzen Nafarroako Administrazio Publikoetan sartzeko Erregelamendua; Toki Araubidearen Oinarriak arautzen dituen apirilaren 2ko 7/1985 Legea, aplikatzekoak diren gainerako arauak eta deialdi honen oinarriak.

3.–Parte-hartzaileek bete beharreko baldintzak.

Eskabideak aurkezteko epea bukatzen den egunean, izangaiek honako baldintza hauek bete beharko dituzte:

1. a) Espainiako nazionalitatea izatea, edo Europar Batasuneko estaturen batekoa, edo langileen joan-etorri askea aplikatzen den estatu batekoa, Europar Batasunak izenpetu eta Espainiako Estatuak berretsitako nazioarteko tratatuen arabera.

Parte hartzen ahal dute, era berean, espainiarren eta Europar Batasuneko beste estatuetako herritarren ezkontideek, edo aipatutako nazioarteko tratatuen aplikazio-eremuan sartutako estatuetako herritarren ezkontideek, zuzenbidez bananduta ez badaude; halaber, haien ondorengoek eta ezkontidearenek, zuzenbidez bananduta ez badaude, 21 urtetik beherakoak badira edo, hortik gorakoak izanez gero, haien kontura bizi badira.

1. b) Hamasei urte beteak izatea eta nahitaezko erretiroa hartzeko ezarritako adina ez gainditzea.
2. c) Eskabideak aurkezteko epea bukatzen den egunean, titulu hauetako bat edukitzea, gutxienez, edo eskuratzeko moduan egotea (eskuratzeko eskubideak ordaindu izanaren gordekina): DBHko Graduatuaren titulua, Eskola Graduatuaren titulua, Erdi Mailako Lanbide Heziketakoa edo horien baliokide bat.

Atzerrian lortutako tituluak badira, eduki beharko da homologazioaren frogagiria.

1. d) Behar diren gaitasun fisiko eta psikikoak izatea bete beharreko eginkizunetan aritzeko.
2. e) Eginkizun publikoetan aritzeko desgaitua edo gabetua ez egotea eta administrazio publikoren baten zerbitzutik kendua ez izatea, ez eta diziplinaz kaleratua ere.

Espainiako nazionalitatea ez duten izangaiek zinpeko deklarazioa edo hitzematea aurkeztu beharko dute, adierazteko ez dutela diziplina-zehapenik edo kondena penalik, beren estatuko funtzio publikoan sartzea galarazten dienik.

1. f) B motako gidabaimena edukitzea.
2. g) Epai irmo baten bidez kondenatua ez izatea sexu-askatasunaren eta -ukigabetasunaren aurkako delitu batengatik, ez eta gizakien salerosketarengatik ere.

Baldintza horiek guztiak agiri bidez frogatu beharko dituzte lanpostua eskuratzen duten izangaiek, deialdi honen hamargarren oinarriak xedatzen duen moduan eta epean. Hori guztia bete beharko da, gainera, eskabideak aurkezteko epea burutzen den egunean eta hautapen-prozesu osoan, izendapen eguna arte bete ere.

Aski justifikaturik dauden ezinbesteko kasuetan izan ezik, aipatutako agiri horiek aurkezten ez dituztenak ezin izanen dira kontratatu, eta haien jarduketa guztiak baliorik gabe geldituko dira; horrez gain, dagokien erantzukizuna egozten ahalko zaie, parte hartzeko eskabidea faltsutzeagatik.

4.–Eskabideak.

4.1. Deialdian parte hartzeko eskabideak aurkeztu beharko dira Agoizko Udalaren erregistro orokorrean (Karrika Berria 22, Agoitz), 10:00etatik 13:00etara, edo Agoizko Udalaren egoitza elektronikoan (https://sedeelectronica.agoitz.eus); edo, bestela, urriaren 1eko 39/2015 Legearen 16.4 artikuluan ezarritako bideetako bat erabiliz (Administrazio Publikoen Administrazio Prozedura Erkideari buruzko Legea). Betiere, laugarren oinarrian adierazitako epean aurkeztu beharko dira.

Eskabidea posta bulego batean aurkeztuz gero, gutun-azal ireki batean aurkeztu behar da, postako langileek data eta zigilua jar diezazkioten eskabideari, hura ziurtatu aurretik. Horrez gain, frogagiria bidali beharko da posta elektronikoko helbide honetara: publicoayuntamiento@aoiz.es. Baldintza horiek betetzen ez badira, ez da eskabidea onartuko.

Eskabideak izanen dira I. eranskineko ereduaren araberakoak.

Parte hartzeko eskabidean, izangaiek adierazi beharko dute baldintza guztiak betetzen dituztela eskabideak aurkezteko epea bukatzen den egunean.

Eskabidearekin batera, izangaiek agiri hauek aurkeztu beharko dituzte:

1. a) Nortasun agiri nazionalaren fotokopia.
2. b) Eskatzen den titulazioaren fotokopia, edo eskabideak aurkezteko epea bukatzen denerako hura erdiesteko moduan egotea ziurtatzen duen agiriarena.
3. c) B motako gidabaimenaren fotokopia.
4. d) Izangaiak lehiaketaldian aurkezten dituen merezimenduak. Ez dira kontuan hartuko eta baloratuko merezimenduak, baldin eta alegatu ez badira eskabideak aurkezteko epearen muga-egunerako.

Puntu honetan adierazitako agiriak aurkezten ez dituztenak ez dira deialdian onartuko. Salbuespena da d) apartatua. Izan ere, d) apartatuan eskatutako agiriak ez aurkezteak ez du ekarriko izangaia deialditik kanpo uztea, baina bai ekarriko du lehiaketaldian puntuazioa eskuratzeko eskubidea galtzea. Aski izanen da dokumentazioaren kopia arruntak aurkeztea, baina aurkeztutako datuak edo agiriak ez-zuzenak edo faltsuak badira, eskatuko dira behar diren erantzukizun penal, zibil edo administratiboak.

4.2. Desgaitasun aitortua duten izangaiek aurkeztu beharko dute hura frogatzeko agiria, organo eskudunak emana, parte hartzeko eskabidearekin batera. Halaber, denbora eta baliabide aldetik behar dituzten egokitzapenak eskatzen ahalko dituzte eskabidean bertan, horien beharra duten ariketetarako. Aparteko orri batean, adierazi beharko dute zer desgaitasun duten eta zer egokitzapen eskatzen dituzten.

5.–Eskabideak aurkezteko epea.

Eskabideak aurkezteko epea hogeita hamar egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita. Epearen azken eguna baliogabea bada, hurrengo lehen egun balioduna izanen da muga-eguna. Betiere, eskabideak aurkezteko epea luzaezina izanen da.

6.–Izangaien onarpena eta erreklamazioak.

6.1. Eskabideak aurkezteko epea bukatutakoan, Agoizko Udaleko alkateak ebazpen bat emanen du, izangai onartu eta baztertuen behin-behineko zerrenda onesteko, eta aginduko du argitara dadila Nafarroako Aldizkari Ofizialean eta Udalaren iragarki-taulan eta egoitza elektronikoan. Izangai bazterturik ez bada, alkateak zuzenean onesten ahalko du izangai onartuen behin betiko zerrenda, eta Nafarroako Aldizkari Ofizialean argitaratuko da.

6.2. Behin-behineko zerrenda Nafarroako Aldizkari Ofizialean argitaratu eta hurrengo hamar egun balioduneko epean, izangai baztertuek –halakorik bada– erreklamazioak egiten ahal dituzte eta eskabideetan egindako akatsak zuzendu, idazkia aurkezturik Agoizko Udaleko erregistro orokorrean.

6.3. Erreklamazioetarako epea bukatutakoan eta haiei erantzun ondoren, Agoizko Udaleko alkateak ebazpen bat emanen du, izangai onartu eta baztertuen behin betiko zerrenda onesteko, eta aginduko du argitara dadila Nafarroako Aldizkari Ofizialean, adierazirik non, noiz eta zer ordutan hasiko diren.

6.4. Onartuen zerrendan agertzeak ez du esan nahi bertan ageri direnei aitortzen zaienik betetzen dituztela deialdian eskatutako baldintzak. Hautapen-prozesua gainditu ondoren, izangaiek aurkeztu beharreko dokumentazioa aztertzen denean, egiaztatzen baldin bada ez dutela baldintzaren bat betetzen, epeari edo moduari dagokionez, interesdunek galduko dituzte prozedura honetan parte hartzeagatik izaten ahal dituen eskubide guztiak, deusetan galarazi gabe faltsukeria dela-eta dagozkien erantzukizun penal, zibil edo administratiboak.

7.–Kalifikazio-epaimahaia.

7.1. Hauek izanen dira kalifikazio-epaimahaiko kideak:

Epaimahaiburua: Ángel Martín Unzué Ayanz, Agoizko Udaleko alkatea.

Ordezkoa: Ana Cosín Reta, Agoizko Udaleko alkateordea.

1. epaimahaikidea: Iñaki Arostegui Arlegui, zerbitzu anitzetako enplegatua, Agoizko Udaleko langileak ordezkatuz.

Ordezkoa: Inés Villanueva Abaurrea, Agoizko Udaleko administrari-ofiziala.

2. epaimahaikidea: María Eugenia Avelino Aranaz, Agoizko Udaleko administrari-ofiziala.

Ordezkoa: Isabel Rípodas Reclusa, Agoizko Udaleko administrari-ofiziala.

3. epaimahaikidea: Andrés Aquerreta Apesteguía, Agoizko Udaleko langileak ordezkatuz.

Ordezkoa: Miguel Rípodas Reclusa, zerbitzu anitzetako enplegatua, Agoizko Udaleko langileak ordezkatuz.

4. epaimahaikidea: Luis Goñi Iturralde, Agoizko Udaleko arkitekto aholkularia.

Ordezkoa: izendatzeke.

5. epaimahaikidea: Jesús María Mangado Beroiz, Agoizko Udaleko ekonomiako aholkulari.

Ordezkoa: izendatzeke.

6. epaimahaikidea: Francisco Javier Tellechea González, Agoizko Udaleko idazkaria. Hitzarekin baina botorik gabe.

Ordezkoa: izendatzeke.

7.2. Kalifikazio-epaimahaiko kideek parte hartzeari uko egin beharko diote, eta Agoizko Udalari hala jakinarazi, baldin 40/2015 Legearen 23. artikuluan abstentziorako jasota dauden arrazoiak suertatzen badira (Sektore Publikoaren Araubide Juridikoari buruzko Legea).

Izangaiek, halaber, zilegi dute epaimahaikideak errekusatzea, inguruabar horietako bat gertatzen denean.

Epaimahaia aldatzen bada, abstenitzeko eta errekusatzeko ezarritako arrazoiak direla eta, izangai onartu eta baztertuen zerrendekin batera emanen da horren berri.

7.3. Hautaprobak hasi baino lehen eratu beharko da epaimahaia.

Epaimahaia ezin izanen da eratu, ez eta jardun ere, gutxienez kideen gehiengo osoa ez badago bertan.

Halaber, epaimahaiaren eraketak balio izateko, epaimahaiburuak eta idazkariak edo haien ordezkoek egon beharko dute bertan.

7.4. Epaimahaiak gehiengoz ebatziko ditu deialdiko oinarrien interpretazioari eta aplikazioari buruz sortzen diren gorabehera guztiak.

7.5. Epaimahaiak aholkulari adituen laguntza eskatzen ahalko du probarako. Aholkulari horiek beren espezialitate teknikoetan baizik ez dira ariko eta epaimahaiari horietan bakarrik emanen diote laguntza.

8.–Hautapen-prozesuaren nondik norakoak eta balorazioa.

Prozesuak bi fase izanen ditu: lehiaketaldia eta oposizioaldia. Deialdi honetako faseak hurrenkera honetan eginen dira: lehendabizi, lehiaketaldia, eta, ondoren, oposizioaldia.

Gainerako proben hurrenez hurreneko iragarkiak Udalaren iragarki-tauletan eta web-orrian emanen dira argitara, 48 ordu lehenago.

Epaimahaiak zehaztuko du oposizioko ariketa bakoitzaren gehienezko iraupena, ariketa bakoitza egiterakoan.

8.1. Lehiaketaren nondik norakoa.

8.1.1. Lehiaketaldia ez da baztertzailea, eta haren helburua da izangai bakoitzaren merezimenduak baloratzea. Betiere, merezimenduek zuzeneko lotura izan behar dute deialdiko lanpostuaren berezko egitekoekin. Gehienez ere 30 puntuko balorazioa izanen du, modu honetan banaturik:

1. a) Lanbide-esperientziagatik, 15 puntu gehienez, III. eranskinean ezarritakoaren arabera.
2. b) Euskaraz jakiteagatik, 10 puntu gehienez, III. eranskinean ezarritakoaren arabera.
3. c) Prestakuntza osagarriagatik, 5 puntu gehienez, III. eranskinean ezarritakoaren arabera.

8.1.2. Epaimahaiak III. eranskineko baremoaren arabera baloratuko ditu izangaien merezimenduak; horiek denak agiri bidez frogatu beharko dituzte, oposizio-lehiaketan parte hartzeko eskabidea aurkeztean.

Izangaiek alegatutako merezimenduen gaineko azalpenak eta datu osagarriak eskatzen ahal ditu epaimahaiak, noiznahi.

8.2. Oposizioaren nondik norakoa.

Oposizioaldiak jarraian azaltzen diren probak izanen ditu, eta gehienez ere 70 puntu lortzen ahalko dira.

Ariketa bakoitzaren kalifikazioa bukatutakoan, epaimahaiak jendaurrean jarriko ditu, bai Udalaren iragarki-taulan bai probak egin diren tokian, haiek gainditzen dituztenen zerrenda eta lortutako kalifikazioak; halaber, oposizioko hurrengo ariketa non, noiz eta zer ordutan eginen den, gutxienez ere 48 ordu lehenago.

Ariketa bakoitzerako deialdi bakarra eginen da. Izangaiek agertu beharko dute aldean dutela nortasun agiri nazionala edo epaimahaiak nahikotzat jotzen duen beste identifikazio agiri bat. Oposiziotik baztertuta geldituko dira agertzen ez diren izangaiak edo aipatu agirietako baten bidez nor diren frogatzen ez dutenak.

8.2.1. Lehen proban (baztertzailea), idatziz erantzun beharko zaio test motako galde-sorta teoriko-praktiko bati; deialdi honen II. eranskineko gai-zerrendari buruzkoa izanen da.

Erantzun zuzen bakoitzeko puntu bat emanen da, eta erantzun okerrak zigortu eginen dira, 0,33 puntu kenduta horietako bakoitzeko. Hasi baino lehen adieraziko du epaimahaiak zenbat denbora izanen duten izangaiek, gehienez, ariketa egiteko.

Ariketa honetan, gehienez, 25 puntu lortzen ahalko dira.

Izangaiek gutxienez 10 puntu eskuratu beharko dute, eta baztertu eginen dira puntuazio horretara iristen ez diren izangaiak.

Gutun-azal itxien sistema erabiliko da ariketa horretan. Ariketa zuzendutakoan, kalifikazio-epaimahaiak ikusgai jarriko ditu kalifikazioen zerrenda, bai eta gutun-azal itxiak jendaurrean irekitzeko eguna eta ordua ere, Agoizko Udalaren egoitza elektronikoko iragarki-taulan.

8.2.2. Bigarren proba (baztertzailea): proba praktikoa. Proba praktiko bat edo gehiago eginen dira, arlo hauetakoak: makineria erabiltzea, iturgintza eta elektrizitatea, soldadura, mantentze-lan orokorrak, makineria arina/ertaina maneiatzea, edo bestelako edozein, betiere zerikusia badute deialdi honetako 1.  oinarrian aipatzen diren eginkizun edo zerbitzuekin. Epaimahaiak zehaztuko du ariketa honetako probak eginen diren egun bakarrean edo gehiagotan, baita zenbat denbora iraunen duten ere, betiere haien edukiaren arabera.

Ariketa honetan gehienez ere 45 puntu lortzen ahalko dira, hiru proba praktiko puntuagarritan banaturik, bakoitza 15 puntukoa. Proba guztiak batuta, 22,5 puntu lortu beharko dira (eta horietako bakoitzari esleituriko balioaren %50 gutxienez, hots, 7,5 puntu). Izangaia deialditik kanpo geldituko da, ez baditu lortzen aipatutako 22,5 puntuak edo ez badu lortzen proba bakoitzean hari esleituriko balioaren %50.

8.2.3. Epaimahaiak ezartzen duen hurrenkeran eginen dira probak eta ariketak.

8.3. Alegazioak.

Fase hauetako proben behin-behineko kalifikazioen aurka alegazioak aurkezten ahalko dituzte izangaiek 5 egun balioduneko epean. Epe hori iraganda alegaziorik ez badago, behin betiko bihurtuko dira. Alegaziorik izanez gero, epaimahaiak ebatziko ditu, eta ondoren behin betiko emaitzak argitaratuko ditu.

9.–Probak gainditu dituztenen zerrenda eta epaimahaiaren proposamena.

9.1. Izangaien kalifikazioa bukatuta, epaimahaiak iragarki-taulan jarriko du probak gainditu dituztenen zerrenda, guztira lortutako puntuazioaren ordenan, eta igorriko du puntuaziorik handiena eskuratu duen izangaiaren aldeko izendapen proposamena.

Berdinketarik gertatuz gero, joko da oposizioaldiko bigarren ariketan puntuazio handiena lortu dutenen alde. Berdinduta segituz gero, lehen ariketan lortutako puntuazioa hartuko da kontuan eta, azkenik, berdinketak badirau, jendaurreko zozketa bat eginen da.

9.2. Kalifikazio-epaimahaiak, aurkeztutako erreklamazioak ebatzi ondoren, parte-hartzaileen behin betiko puntuazioak argitaratuko ditu Agoizko Udalaren iragarki-taulan eta web-orrian, eta alkateari izangaien zerrenda igorriko dio, lortutako puntuazioaren arabera ordenaturik eta espediente osoarekin batera, hark ebazpena eman dezan karrerako funtzionarioa izateko izendapen proposamenari buruz, eta, gero, Nafarroako Aldizkari Ofizialean argitara dadin.

Probak gainditu dituzten gainerako izangaiak sartuko dira Agoizko Udalaren kontratazioetarako zerrenda batean, lortutako puntuazioaren arabera. Zerrenda hori erabiliko da kontratazioak egiteko, Udalak ematen dituen zerbitzuetan sortzen diren beharrei erantzuteko, deialdi honen 1.6 oinarriari jarraikiz.

10.–Agiriak aurkeztea.

10.1. Izendapen proposamena Nafarroako Aldizkari Ofizialean argitara ematen denetik hogeita hamar egun naturaleko epean, proposatutako izangaiak honako agiri hauek aurkeztu beharko ditu Agoizko Udalaren erregistro orokorrean:

1. a) Nortasun agiri nazionalaren (NAN) fotokopia konpultsatua, edo beste agiri bat, frogatzen dituena izangaiaren nazionalitatea eta nortasuna.
2. b) Deialdiko lanpostua betetzeko eskatzen diren tituluen fotokopia konpultsatua eta, kasua bada, alegatutako merezimenduena.
3. c) Osasun ziurtagiri ofiziala, erakusten duena interesdunak ez duela akats fisikorik nahiz psikikorik edo eritasunik, eragozten dionik karguaren eginkizunak betetzea.

Desgaitasunen bat alegatu duten izangaiek, gainera, aurkeztu beharko dute desgaitasuna deialdiko lanpostuarekin bateragarria dela dioen frogagiria, balorazio eta orientazio talde eskudunek emana.

1. d) Zinpeko deklarazioa edo deklarazio solemnea, adierazten duena ez dagoela desgaitua edo gabetua eginkizun publikoetan aritzeko eta ez dela kendua izan administrazio publikoren baten zerbitzutik.
2. e) Zina edo hitzematea, adierazten duena Nafarroako Foru Araubidea errespetatuko duela, Konstituzioari eta legeei men eginen diela, eta karguari dagozkion eginkizunak zuzen beteko dituela.
3. f) B motako gidabaimenaren fotokopia konpultsatua.

10.2. Epe horretan interesdunak agiri horiek aurkezten ez baditu, salbu eta behar bezala justifikaturiko ezinbesteko kasuetan, ezin izanen da izendatu, eta haren jarduketa guztiak indarrik gabe geldituko dira, horrek deusetan galarazi gabe eskabidean egindako faltsukeriagatik izaten ahal duen erantzukizuna.

10.3. Aurreko apartatuan ezarritako kasuan, alkateak hutsunea beteko du prozesua gainditu duten izangaien zerrendan hurrengoa den izangaiarekin, eta aurreko apartatuetan adierazitako prozedura bera erabiliko da harekin.

11.–Izendapena eta plazaz jabetzea.

11.1. Alkateak, ebazpen baten bidez, Agoizko Udaleko zerbitzu anitzetako enplegatu izendatuko du (lorezaintzako espezialitatean) aurreko oinarrian ezarritakoa betetzen duen izangaia.

11.2. Izendapena Nafarroako Aldizkari Ofizialean argitaratuko da.

11.3. Izangai izendatuek hilabeteko epea izanen dute lanpostuaz jabetzeko, izendapena jakinarazten denetik hasita. Ezinbesteko kasuetan salbu, aipatutako epean plazaz jabetzen ez badira, galduko dituzte Agoizko Udaleko funtzionario izateko eskubide guztiak. Halakorik gertatzen bada, jarraikiko zaio 9. oinarrian xedaturikoari.

12.–Aldi baterako kontrataziorako izangaien zerrendak kudeatzeko arauak.

12.1. Hautapen-prozesu honetan plaza lortzen ez duten izangaiekin zerrenda bat eginen da, puntuazio-ordenaren araberakoa, aldi baterako kontratazioak egiteko; hori guztia, bat etorriz Nafarroako Administrazio Publikoetan sartzeko Erregelamenduaren 42. artikuluan ezarritakoarekin. Orobat, zerrenda horretan honako hauek sartuko dira, nahiz eta oposizioaldia ez gainditu: lehen probaz gain, ariketa praktikoko proba praktikoetako bi gutxienez gainditu dituztenak, edo, horietako bakoitzean puntuazioaren %30 eskuratu dutenak.

12.2. Izangaiei dei egiten zaienean, zerbitzu anitzetako enplegatuaren lanpostua aldi baterako betetzeko, kontuan hartuko da ezarrita dagoena Nafarroako Administrazio Publikoen zerbitzuko Langileen Estatutuaren testu bateginaren zazpigarren xedapen gehigarrian. Xedapen horren arabera, aldi baterako kontrataziorako izangaien zerrendetan, hiru lanpostutik lehena gordeko da %33ko desgaitasuna edo handiagoa dutenek betetzeko, baldin eta zerrenda horretan badaude eta dagozkien hautaprobak gainditu badituzte, eta frogatzen badute desgaitasuna bateragarria dela dagozkien zeregin eta eginkizunak betetzearekin.

13.–Jarduketen publikotasuna.

Deusetan galarazi gabe Nafarroako Aldizkari Ofizialaren bidez modu ofizialean argitaratu beharreko izapideak, proben deialdiei eta kalifikazioei buruz epaimahaiak ematen dituen ebazpenen eta haren jarduketaren gaineko informazioa, bai eta interesdunentzat jakingarri den informazio guztia ere, argitara emanen da Agoizko Udalaren web-orrian (www.agoitz.eus) eta toki-erakundearen iragarki-taulan.

14.–Errekurtsoak.

Deialdi honen, deialdiaren oinarrien eta aplikatzeko egintzen aurka, honako errekurtso hauetako bat aurkezten ahalko da, hautara:

1. a) Berraztertzeko errekurtsoa, egintza eman duen organoari zuzendua, hilabeteko epean, jakinarazi edo argitaratu eta biharamunetik aitzina.
2. b) Administrazioarekiko auzi-errekurtsoa, Administrazioarekiko Auzien Iruñeko Epaitegiari zuzendua, bi hilabeteko epean, errekurritutako egintza edo erabakia jakinarazi edo argitaratu eta biharamunetik hasita.
3. c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.

Kalifikazio-epaimahaiaren egintzen aurka gora jotzeko errekurtsoa aurkezten ahal da, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.

1. ERANSKINA.–ESKABIDE EREDUA

Izen-deiturak: ………………………………………………………………………………………………………………………..

NANa: …………………………………… Jaioteguna: [urtea/hilabetea/eguna]: …………………………………………

Jaioterria: …………………………………………………….. Nazionalitatea: ……………………………………………

Egungo helbidea [kalea, zenbakia, eskailera, solairua]: ………………………………………………………………..

Posta kodea / herria: ………………………….. Telefono zenbakiak: ……………………………………………………

Posta elektronikoko helbidea: …………………………………………………………………………………………………..

AZALTZEN DUT:

–Ez dut karguan aritzea galarazten didan eritasunik edo akats fisikorik nahiz psikikorik.

–Ez dut indarreko xedapenetan ezarritako ezintasunetako bakar bat ere.

–Ez naute kendu inongo administrazio publikoren zerbitzutik diziplinazko espediente baten bidez, ez eta diziplina bidez kaleratu ere, eta ez nago desgaitua eginkizun publikoak betetzeko.

–Deialdian eskatzen den titulazioaren jabe naiz.

–Baldintza guztiak betetzen ditut, eskabideak aurkezteko epearen azken egunean.

–Deialdian eskatutako euskararen ezagutza frogatzeari dagokionez (markatu bidezkoa dena):

o Eskabide honi gehitzen diot ziurtagiri baten kopia bat, agertzen duena badudala deialdian eskatutako euskararen ezagutza.

o Euskararen ezagutza frogatzeko proba egitea eskatzen dut.

–BADUT desgaitasuna / EZ DUT desgaitasunik, eta, beraz, azaltzen den egokitzapena eskatzen dut, adierazten diren arrazoiengatik. (Beste orri batean azaldu behar dira eskatzen diren egokitzapenak eta haietarako arrazoiak).

o Aurkezten dudala desgaitasuna frogatzen duen agiria, erakunde eskudun batek emana.

–Eskabideari agiri hauen fotokopiak erantsi dizkiot:

o Nortasun agiri nazionala.

o Eskatzen den titulazio akademikoa.

o B motako gidabaimena.

o Alegatutako merezimenduak.

Data eta sinadura

1. ERANSKINA.–GAI-ZERRENDA
2. gaia.–7/1985 Legea, apirilaren 2koa, Toki Araubidearen Oinarriak arautzen dituena. II. titulua, Udalerria: 11.etik 28.era arteko artikuluak. V. titulua: Toki-erakundeei buruzko xedapen orokorrak, I. kapitulua.
3. gaia.–251/1993 Legegintzako Foru Dekretua, abuztuaren 30ekoa, onesten duena Nafarroako Administrazio Publikoen zerbitzuko langileen estatutuaren testu bategina: I. titulua. II. titulua: I., II., III., IV., VI., VIII. eta IX. kapituluak.
4. gaia.–17/2019 Foru Legea, apirilaren 4koa, Emakumeen eta Gizonen arteko Berdintasunari buruzkoa. xedapen orokorrak.
5. gaia.–Agoizko udalerria: kaleen, parajeen eta ibaien izena eta kokapena; biztanleria eta geografia. Bide nagusiak. Zerbitzu publikoak. Instalazio eta ekipamendu publikoak. Udal eraikin nagusien kokapena: udaletxea, Udalaren kirol instalazioak, ikastetxe publikoak, ludoteka, liburutegia, udal biltegia eta abar.
6. gaia.–Laneko arriskuen prebentzioa, arau-esparrua: 31/1995 Legea, Laneko Arriskuen Prebentzioari buruzkoa. Laneko segurtasun eta osasunari buruzko ezagutzak: arrisku motak eta horiek prebenitzea; norbera babesteko ekipamenduak. Oinarrizko ezagutzak laneko segurtasun eta higienearen gaineko arauez eta oztopo arkitektonikoen gaineko arauez.
7. gaia.–Oinarrizko elektrizitatea: elektrikariaren oinarrizko erremintak ezagutu, erabili eta mantentzea (bihurkinak, guraizeak, aliketak…). Eraikinetako banaketa koadroak (potentzia kontrolatzeko etengailua, magnetotermikoak, diferentzialak). Hots egiteko zirkuituak (sakagailuak, txirrinak). Oinarrizko argi-zirkuituak (etengailuak, kommutadoreak, entxufe-oinak –lur-konexiodunak nahiz gabekoak–, lanparak). Argi fluoreszenteko zirkuituak (pitzarazgailuak, erreaktantziak, lanpara fluoreszenteak). Zirkuitu bereziak (alarmak, larrialdiko argiak). Segurtasun arauak. Konpontze lanetan hartu beharreko arreta-neurriak.
8. gaia.–Oinarrizko mekanika-Metal arotzeria. Mekanikako oinarrizko erremintak (mailuak, bihurkinak, hainbat motatako giltzak, zerrak, eskuko zulagailua eta abar) ezagutu, erabili eta mantentzea. Sarrailagintzako oinarrizko lanak (ate-leihoak doitzea, sarrailak eta sarraila-zilindroak, metalezko altzarien mantentze-lanak). Segurtasun arauak. Konpontze lanetan hartu beharreko arreta-neurriak.
9. gaia.–Zurgintza. Zurgintzako oinarrizko erremintak (mailuak, zerrak, trintxak, zulagailu elektrikoa eta bestelako osagarriak: lixak, lekedak eta abar) ezagutu, erabili eta mantentzea. Zurgintzako oinarrizko eragiketak (ate eta leihoak doitzea). Sarrailak eta sarraila-zilindroak. Pertsianak: motak, mantentze-lanak eta konponketa. Segurtasun arauak. Konpontze lanetan hartu beharreko arreta-neurriak.
10. gaia.–Lorezaintza. Ezagutzea, maneiatzea eta mantentzea lorezaintzako oinarrizko tresnak (inausteko guraizeak, belarra mozteko makinak, aitzurrak eta abar). Lorategiak mantentzeko oinarrizko eragiketak (aspertsoreak jartzea, erregulatzea, funtzionamenduan jartzea, garbitzea eta abar). Lorategirako produktuak (ongarriak, intsektizidak eta abar) aplikatzeko oinarrizko ezagutzak. 10.–Segurtasun arauak. Konpontze lanetan hartu beharreko arreta-neurriak. Laneko arriskuei aurrea hartzea: Norbera babesteko ekipamendua, arriskuen prebentzioa.
11. gaia.–Lorategiak eta berdeguneak zaintzea eta mantentzea: oinarrizko kontzeptuak. Ureztatzea, ongarritzea eta inaustea. Tresnak: eskuzkoak, elektrikoak eta motordunak. Erabilera eta maneiua. Garbiketa eta mantentze-lana.
12. gaia.–Ezagutzea, maneiatzea eta mantentzea lorezaintzako eta mendiko produktuak, makinak eta erremintak (sasiak garbitzeko makina, belarra mozteko makina, heskai-moztekoa, aizkora, motozerra, altueran inausteko plataforma jasotzailea).

Oharra: gai guztiak deialdi hau Nafarroako Aldizkari Ofizialean argitaratzen den egunean indarra duen legediaren arabera eskatuko dira.

III. ERANSKINA.–BAREMOA

1.–Laneko esperientzia (15 puntu gehienez).

Administrazio publikoetan eginiko lanengatik, baldin lanpostuak zerikusia bazuen zerbitzu anitzetako enplegatuaren lan arloarekin (lorezaintzako espezialitatean), edo gisako lanpostua bazen, bete beharreko lanpostuarekin lotura zuena: 2 puntu urte bakoitzeko.

Enpresa pribatuetan eginiko lanengatik, baldin lanpostuak zerikusia bazuen zerbitzu anitzetako enplegatuaren lan arloarekin (lorezaintzako espezialitatean), edo gisako lanpostua bazen, bete beharreko lanpostuarekin lotura zuena: 1 puntu urte bakoitzeko.

Administrazio publikoetan egindako lanen kasuan, haiek emandako ziurtagiri bidez frogatu beharko dira merezimendu horiek. Enpresa pribatuen kasuan, hasiera- eta amaiera-kontratu ikus-onetsiaren bidez (autonomoen kasuan, lana egin duten kotizazio-epigrafearen frogagiriaren bidez) eta Gizarte Segurantzak emandako ziurtagiriaren bidez, zeinak frogatzen baititu lan-aldia eta betetako eginkizunak. Urte zatiak proportzioan baloratuko dira. Orobat, lanaldia osoa ez bada, dagokion proportzioan kalkulatuko da.

2.–Euskararen ezagutza (10 puntu gehienez).

3.–Prestakuntza osagarria (5 puntu gehienez).

–Lanpostuaren eginkizunekin lotutako prestakuntza (makinen erabilera, igeltserotza, iturgintza, elektrizitatea, soldadura, lorezaintza, mantentze-lanak edo fitosanitarioak): Ikastaro guztien orduak batuko dira, eta 0,01 puntu emanen da ikastaroaren ordu bakoitzeko. Gehienez ere, 4 puntu eskuratzen ahalko dira. (Ezinbestekoa izanen da aprobetxamendu-ziurtagiria aurkeztea. Ziurtagiri horretan, prestakuntzaren xedea eta iraupena zehaztuko dira).

–Genero-berdintasunari buruzko prestakuntza ikastaroak egiteagatik, 0,5 puntu emanen dira ikastaro bakoitzeko (ikastaroak 10 ordukoa gutxienez izan behar du); gehienez ere, 1 puntu eskuratzen ahalko da.

Iragarkiaren kodea: L2600622