Ayuntamiento de Aoiz/Agoitz

Ayuntamiento de Aoiz/Agoitz

1.- Agoizko Udalak elkartasuna eta atsekabea adierazi nahi die joan den ostegunean, apirilaren 3an, Tejados Aoiz enpresan hildako Daho Neihalen familiari, lagunei, lankideei eta gainerako hurbilekoei. Era berean, Nafarroako Osasun Publikoaren eta Lan Osasunaren Institutuari eskatzen dio beharrezko neurriak har ditzala lan istripuak behin betiko desagerrarazteko.

2.- Agoizko Udalak adierazi nahi du beharrezkoa dela laneko segurtasuna bermatzea eta lan istripuak behin betiko desagerraraztea. Helburu hori lortzeko, nahitaezkoa da egungo laneko segurtasuna eta osasuna hobetzeko aurrerapausoak ematea, bai eta zehatz-mehatz eta erabakitasunez betearaztea langile guztien Laneko Arriskuen Prebentziorako Erregelamendua ere, batez ere egoera bereziki ahulean daudenen kasuan.

3.- Horregatik guztiagatik, Agoizko Udalak dei egiten die eragile guztiei, administrazioarekin, sindikatuekin eta patronalarekin batera, laneko arriskuen prebentzioaren aldeko jardunbide egokien jarrera izan eta bultza dezaten.

4.- Agoizko Udalak, bestalde, bat egiten du lan istripu hori arbuiatzea helburu duten ekimen eta adierazpenekin, Daho Neihaleko familia, lagun eta hurbilekoei gertutasuna eta mina erakusteko, eta horrelako ekimenetan aktiboki parte hartzera animatzen ditu herritarrak.

Agoitz, 2025eko apirilaren 8a.