AUZOKAKO BILERAK: SAN MIGEL, TXANTREA, DOMINGO ELIZONDO ETA LARRAINETAKO AUZOA
AZKEN URTEAN EGINDAKOAK
– Domingo Elizondoko jolas parkearen ondoko parkeko paperontzia hamabostean behin husten da, pasa den urteko bileran auzokoek komentatutakoa gerta ez dadin.
– Domingo Elizondon finkatu ditugu zenbait kaleko harri batzuk (mugitzen hasiak ziren eta aurreko bilkuran komentatu zen).
– Konpondu da Osasun Etxerako sarbidea, oso gaizki baitzegoen eta jendea erori izan baita. Nafarroako Gobernuri dagokio lan hori; baina, ezer egiten ez zutela ikusirik, guk egitea erabaki genuen.
– Margotu eta egokitu da osasun etxearen ondoko eskultura.
– Guardia etzana jarri da Txantrean, azken bilkuretan eskatu zen moduan. Autoak azkar joan ez daitezen.
– Marra hori bat margotu zen jubilatuen elkartearen aurreko espaloian, bertan autori egon ez dadin.
MARTXAN JARRI NAHI DITUGUN JARDUERAK
– Itzaltzen diren argiak direla eta, garabi-kamioi bat erosi nahi dugu, argiak azkarrago konpondu edo aldatzeko.
– Konposta egiteko gune bat jarri nahi dugu Osasun Etxearen atzealdean.
– Guardia-etzan bat jarri nahi dugu San Migel azuzoko alderdian.
PROPOSAMENAK
– Olioz zikindutako edukiontzi berdeak agertu dira. Gaia begiratu behar da eta jendea kontzientziatzeko kanpaina egiteko aukera aztertu behar da.
– Jubilatuen elkarteko espaloian, bizikleta bat uzten da farola baten kontra, eta askotan lurrean dago. Begitaru beharko litzateke oinezkoentzako kalean bizikletentzako aparkalekua jartzea.
– Guirior Markesaren kaleko zorua altxatu da. Konpondu beharko litzateke.
– Iribarrenena zen lantegiko horman pintada batzuk daude. Kendu beharko lirateke.
– Bidezainen etxeetara ez da ailegatzen udalaren propaganda. Udal langileei esan behar zaie bertan ere utzi behar dela.
– Gasolindegitik San Migelerako tartea oso iluna da. Gehiago argitzea kontuan hartu beharko litzateke.
– Zahar egoitzaren ertzetik zebra-biderainoko espaloia oso gaizki gago, altxatuta dago. Konpondu behar da.
– San Migel auzoan zikinkeria biltzen da bi lekutan, eta maizago garbitu beharko lirateke. Leku horietako batean basaranak erortzen dira eta jendea irristatzen da, eta bestean zigarro-hondakinak botatzen dira.
– Iturriak itxi beharko lirateke, ura izotz ez dadin.
– Larrainetako auzoan, komenigarria litzateke Jubilatuen Elkartearen aurrean dagoen zebra-bidea aldatzea eta kalearen muturreraino eramatea, dagoen lekuan arriskutsua delako.
– Auzo horretatik Landakora ateratzeko bidea ere konplikatua da, irteeran dauden edukiontzi eta autoengatik. Konponbidea aurkitu behar da.
– Komenigarria litzateke Larrainetako auzora sartzeko bidea gontzekin guztiz ixtea, agian bankuren bat gehiago jartzea edo lekuz aldatzea.
– Domingo Elizondo auzoko barnealdean txakurrik ez dioen kartela jarri beharko litzateke.
– Konponbide bat eman behar zaio ireki berri den supermerkatuaren ondoko espaloian dagoen trafikoari.